METODE PENELITIAN DAN SKRIPSI (BAHASA PEKALONGAN)

Aku biyen orak paham mata kuliah Metode Penelitian (MP) lur. Orak paham sama sekali. Nembe paham ki pas kelar nggarap skripsi. Aku paham bener-bener paham metode penelitian ki sak bubare garap skripsi. Dosen seng biyen ngajar Metode Penelitian be biyen kangelan nek pak njelaske karo mahasiswa. Soale seng arane Metode Penelitian iku sebenere pengajarane diiringi karo praktek nggawe skripsi sisan.

Aku biyen kilingan pas dosene jelaske macem-maceme penelitian. Terutama seng ono kaitane karo hukum. Misale koyo empiris karo normatif. Asli biyen aku rak mudeng lur. Ashli bi shod (karo mecucu) aku rak mudeng. Nentukke judul be biyen aku rak mudeng. MAKSUDE PIYEE???? Mbiyen aku rak mudeng aku kudu nggawe judul seng kepriye???? 

Aku ki tergolong mahasiswi seng bodo lur. Nilaine pas-pasan. Nek ono nilai C utowo D orak tau tak ulang. Ono seng nilai A utowo B be biasa tok. Rak patek bangga koyo biyen aku pas SMA. Biyen waktu SMA aku wedi nek nilaine elek. Metode Penelitian nilaine biasa tok. Seng pertama, MP nilaine B. Seng kedua Metode Penelitian Hukum (MPH) nilaine C. Temenan puo seng nilai C aku orak tak ulang. Soale nek tak ulang menurutku malah buang-buang waktu. Aku mung yakin tok Suatu saat seiring jalane wektu aku pasti paham. 

Aku biyen kilingan pas mata kuliah MP kon nggawe judul. Aku pernah diparingi masukan reng ustadzku. Ustadzku maringi judul tentang kemiskinan. Judul kui tak ajukke karo dosenku. Dadi jare ustadzku pembahasane tentang perbandingan kemiskinan jaman biyen karo jaman saiki. Ternyata judulku karo wek koncoku dibahas neng jero kelas. Tapi aku tetep rak mudeng, denese dosenku ki njelaske opo? terus mbahas rumusan masalahe juga. Walah tambah rak mudeng nek mbahas rumusan masalah. Ditambah maneh karo latar belakang masalah lan liyan-liyane.

Lha pas jaman sinau MPH, luweh rak mudeng maneh lur. Mahasiswa kon nggawe proposal. Aku kilingan biyen pas ulangan tes akhir semester. Mahasiswa wajib nggawe proposal lebar kui pas hari H tes MPH, mahasiswa dikon maju ngadep neng dosene kon jelaske proposale dewe-dewe. Wekku judule ketok apik pas kui lur. Tapi penjelasane aku seng orak biso. Soale aku rak nguasai rumusan masalahe lur. Aku mung ngajukke judul seng dikai ustadzku tok tapi rak reti akar masalahe opo.

MPH aku bajine C. Walaupun aku bajine C, paleng orak aku wes ono gambaran sitik tentang nggawe judul lur. Intine nek pak nggawe judul ki ndewe kudu reti masalahe sek. Ibarate dewe weroh gedung seng sak durunge dewe rung tau mlebu utowo muteri gedung kui, ndewe langsung nulis "GEDUNG MBUTUHKE 2 JUTA NGGO DANDANI TEMBOKE". Ternyata biyen ki aku kokui lurrr. Aku ki orak luru masalahe sek langsung nggawe kesimpulan utuwo judul. Haruse kan aku muter-muter gedung sek. Terus aku mlebu neng gedung. Aku weroh kerusakane opo wae. Anggarane piro. Haruse koyo kui kan??? Tapi aneh kok pas MP aku bajine luweh apik timbang pas MPH. Padahal judulku ki jebole ngawur tok tapi rak mudeng masalahe luuurrr.

Ngko kapan kapan aku pak mbahas tentang isi skripsi seng awale aku rak mudeng. Ngko dienteni wae postinganku selanjute.