ANIMAL KAISER (BAHASA PEKALONGAN)

Akhir-akhir iki bocah-bocah do teko nang umahku. Bucah-bucah kui do ngluru Animal Kaiser. Rata-rata seng teko bucah SD.

 

Seng pertama teko neng umahku marai ngluru yaiku Ihsan lan Irul. Wong loro kui jaluk lurokke tokoh Animal Kaiser lewat internet. Ubat-ubet jaluk lurokke suwine pok. Soale neng internet gambare akeh. Ubat-ubet pingin weroh ndisik dek duwur tekan ngisor. Menduwur maneh mengisor maneh.

"Hebaaaaaat... kerennn." Jare Ihsan.

Hebat opo, biasa tok nek jareku. Coe kerono aku wes gedhe dadi nek weroh kokui biasa tok. 

"Galeon buuu, Galeon." Ikhsan nunjuk gambar macan kuning.

"Det skor bu... det skor." Opo maneh kui??? Pertamane aku rak paham. Ihsan nunjuk gambar macan maneh tapi bedo warna. Ya Allah.... jebule Death Scorch tulisane.

"Det skor miring buuu... det skor miring..." Ono Death Scorch miring tho? Seng mau Death Scorch ngadek coe yo.
"Ngluru koyo iki pak nggo opo le...?" Ihsan tak takoi.
"Pak dipajang buu..."
"Dipajang neng tembok pok?"
"Neng buku bu..."
"Lha Ihsan weroh pertama animal kaiser nang ndi?"
"Nang Mall bu... main Timezone.."
"Ouh..."
Sesoke maneh ono bucah seng teko tapi udu Ihsan karo Irul. Seng teko Banu karo Panji.
"Pak opo le...?"
"Ngeprint Animal Keiser buu..."
"Seng opo lee."
"Sifrit buuu... Sifrit." Sifrit? kok koyo nama jin yo. Jin Ifrit.
Tak luru Sifrit ki koyo opo. Si Panji nunjuk-nunjuk.
"Kui bu... Sifrit." Masya Allah.... jebole Siegfried. Macan.

Sesoke maneh ono rombongan bucah, brol do teko gemruduk nang umahku. Jaluk lurokke Animal Kaiser. Jaluk opo maneh yo kiro-kiro.
"Bu pak ngeprint Brutus animal keiser buuu..."
Brutus ki koyo opo yo. Tak luru maneh neng internet.

Wah... jebole iwak hiu. Sampe mbengi-mbengi aku wes ngantuk jam setengah 9 ono seng dodok lawang. Tok tok tok... "Bu Umi... Aku pak ngeprint."  Ternyata Andre karo koncone juga demen animal Kaiser.
"Gambare opo le? Sifrit? Galeon? Brutus? ninja trenit?" Aku sampe apal.
"Ace miring buuu." Walah... opo maneh kui. Ya Allah... ternyata Ace ki jaran.. hahahaha.

Trus aku sek pak magkat kerja, isuk-isuk dilalah kelas 6 sek ujian dadi kelas liyo diliburke. Yo wes-wes... gemruduk neng umahku pak jaluk printke animal kaiser. Macem-macem jaluke. Yo tak layani lah... biasa sak lembar bayare Rp. 1.000,-. Tapi kadang seng nyebeli wes pak mepet jam kerja jaluk layani. Yo maaf bae tak kon ngenteni aku bubar kerja. Kadang-kadang ono juga seng sampe marani neng kantor. Ckckckckc. Bucah... bucah...
Bucah-bucah sek do demen animal kaiser bro. Asline jare bucah-bucah kartu animal kaiser iku regane Rp. 90.000,-. Makane do ngluru seng ora asli mergo murah. Sak kertas ukuran folio iso diisi 6 kartu animal kaiser. Gambare kui mengko digunting trus dilaminating neng fotocopian. Lebar kui ngko dikoleksi nang buku koleksi koyo iki.

Pokoke bucah SD kui nek koleksi Animal Kaiser wes sak buku koyo ngunu yowes banggane pok. Ya Allah... dolanan bucah saiki ki lucu-lucu. hahaha. Salam Animal Kaiser.